Davao City – Mikunhod og 80% ang kaso sa coronavirus disease (Covid-19) sa dakbayan sa Davao sukad sa surge sa cases niadtong Enero 2021, sumala ni Dr. Ashley Lopez, City Health Office chief and COVID-19 focal. Matud niya karong semanaha nakatala og pinakaubos nga kaso sukad sa pagsugod sa pandemya.
“Since January since kadtong nag-surge ta, ilagay natin sa 600 tapos naa ta sa 90-100 (cases) so mga drop gyod ta’g mga 80%,” gibutyag niini.
Segun ni Lopez, sa March 10, 18 ang confirmed cases samtang 580 ang total COVID-19 active cases dakbayan.
“Ang pinakataas nato is actually is the first week of January when we have 801 cases for the week, then second week to third week of January it dropped down to 600 plus. Eventually pagka-end of January nagbaba ta og mga 300 and it was sustained until February. Starting the third week of February nag 100 plus nalang and karon 92 o 95 ang atong kaso for the week, actually the lowest since the onset of pandemic. I think mga July ang last time nga nag-100 plus ta,” matud niini.
Good news usab matud niini tungod kay 85%, ang bakanteng mga COVID-19 beds o 14.1% sa total beds lang ang okupado.
Tungod sa dakong pagkunhod sa ihap sa mga admissions sa mga pasyente sa COVID-19, upat ka mga Temporary Treatment and Monitoring Facilities (TTMFs) ug usa ka hotel ang temporaryong gisuspende ang operation aron usab mas makadaginot pa ang lokal nga gobyerno sa mga galastuhon sa maong mga pasilidad.
Nanawagan kini sa publiko nga dili gihapon magkumpyansa ug hugot gihapong tumanon ang minimum health standards kay anaa gihapon ang hulga sa COVID-19 ug mga variants.
“Nauna biya nag-surge ang NCR unya nisunod ang Cebu way back July then after few months nisunod ang Davao. We should remain vigilant ug dili nato pabayaan ang atong responsibility because there is a big chance na pag makasulod na ang variants diri mubalik gyod ta, dili mana impossible labaw na ato ng gi-open ang atong mga borders, we have already lifted our restrictions and travel requirements because we already following the IATF resolution,” sumala ni Lopez.
RadyoMaN Aimee Guinita
