Sumala ni Dr. Michelle Schlosser, tigpamaba sa Davao City COVID-19 Task Force (sa interbyu sa city-owned radio), dako og tabang ang booster shot aron malikayan nga mabutang sa kritikal ang sitwasyon ugaling mataptan man og virus.
Matud ni Schlosser, ubos ang natala nga kaso sa COVID-19 sa syudad diin gikan Enero 1 – 7, 2023, anaa lamang sa 12 ang kaso.
Samtang, adunay natalang namatay ug nasayrang dili bakunado ang nahisgutan.
“Ang atong datos, nagpakita gihapon nga kasagaran natong namatay unvaccinated. Kung bakunado man, wala nakapa-booster dose. This means na we are also calling those people na fully vaccinated na sa atong first dose series nga magpa-booster dose na ‘ta,” sulti ni Schlosser.
Abri ang Davao City Health District Centers matag adlaw’ng Biyernes gikan alas 8:00 sa buntag hangtud alas 4:00 sa hapon. Dal-on lamang ang vaccination card niadtong magpa-booster shot.
RadyoMaN Kirby Manzon
