Davao del Norte – Nahimong problema karon sa Local Government Unit (LGU) sa Sto.Tomas, Davao del Norte ang pagkapuno sa menteryo nga ginalubngan sa mga mipanaw tungod sa Coronavirus Disease 2019 (COVID-19).
Sa opisyal nga pahayag sa LGU pinaagi ni Mart Dumali Sambalud, Municipal Information Officer, gibutyag niya napuno na ang Sta. Cruz Public Cemetery sa Barangay San Jose diin anaa na sa 55 ka mga minatay ang nalubong sa menteryo gikan Enero 2021 hangtud September 2021.
Matud sa Sto. Tomas Inter-Agency Task Force (IATF), adunay significant increase sa ihap sa COVID-19 deaths sa Sto. Tomas ilabi na nga aduna nay reported Delta variant sa lugar.
Muabot na usab sa 141 ang natalang pandemic-related deaths sa tibuok lungsod. Sa pagkakaron, ginagamit na isip bag-ong lubnganan sa COVID-19 deaths ang public cemetery sa Barangay Balagunan apan posibleng dali ra usab kining mapuno.
Pahimangno sa lokal nga gobyerno sa katawhan nga istriktong sundon ang minimum public health standards batok COVID-19 ilabi na sa maong sitwasyon.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
