Davao City – Gitubag ni Davao City Police Office kun DCPO Police Director Col. Kirby John Kraft ang pangutana sa usa ka concerned citizen nga babae human giharang sila sa iyang bana sa usa ka checkpoint sa Buhangin ning syudad samtang nagsakay og private vehicle.
Gipaabot sa usa ka alyas Lina ang iyang concern dinhi sa sibyahanan sa dihang giharang matud pa og pulis ang ilang gisakyan gumikan isa lamang matud pa ang pwede musakay sa sakyanan.
Apan gitino ni Kraft pinaagi sa gipadangat niini nga mensahe sa DXDC RMN Davao nga sa private vehicle, maximum of 3 ang pwedeng makasakay, usa ka driver, usa ka pasahero sa atubangan ug usa lamang sa likod.
Gani gidugang niini nga properly informed matud pa niini ang tanang DCPO personnel.
Sumala niya daghan ang naalaan karon nga Davao police apan sa imbestigasyon, dili kini mga pulis ug gihangyo niini ang publiko nga mamahimong alerto.
Una ng giingon ni Davao City Mayor Inday Sara Duterte-Carpio nga tulo ang maximum nga makasakay sa pribadong sakyanan, taxis ug tricycle apan hugot nga pahinumdom niini sa tanan nga og walay paliton nga kpnsumo, ug walay emergency, walay adtuon nga trabaho, magpabilin na lamang sa balay aron malikay nga mataptan sa COVID-19.
RadyoMaN Renz Barbarona
