Davao City – Gimanduan karon ang tanang mga malls ug pipila ka mga establisyemento nga ipasarado na gawas sa supermarkets, botika, bangko, mall in house department stores, medical laboratories, doctors ug dentists offices ilawom sa gipagulang Executive No.15 ug Executive no. 16 sa Office of the City Mayor nunot sa COVID-19.
Base sa Executive No. 15 sugod alas-5 sa hapon March 19, 2020, ang tanang internet shops, gaming stations, billiard halls, basketball courts, badminton courts, bowling alleys, movie houses, bingo outlets, E-Gaming establishments, lotto outlets, kids playrooms, video arcades, spas, massage parlors, beauty salons/parlors, carnivals o peryahan ipasarado na.
Samtang ilawom sa Executive No. 16 ipasara usab sugod 11:59 kagabii March 19 adlawng Huwebes ang tanang mga malls ug mixed-use buildings gawas sa supermarkets, pharmacies, banks, mall in house department stores, medical laboratories, doctors ug dentists’ offices.
Sumala kang Davao City Mayor Sara Duterte nga mag-agad lamang kini sa mga doktor diha sa mga angay nga ipasaradong mga establisyemento.
“Kung mapansin ninyo ang atoang ginabuhat dili nato ginadungan tanan kay every action nato gina-ask nato atong mga doctors kung pwedi na ba ni. Because we do not want nga isarado tanan ang tibuok Davao nato because of the economic impact gani. Kung musugot na ang doctor na kini this is enough nga okay na mi sa nakita namo then hangtod diha lang ta,” matud niini.
RadyoMaN Aimee Guinita
