Davao City – Sa tumong nga hingpit ma-kontrola ang nagkataas nga kaso sa Coronavirus Disease 2019 (COVID-19) dinhi sa syudad, dugang mga security forces ug frontline health personnel ang gipadala aron mapakusgan pa ang preventive measures sa dakbayan.
Gibutyag ni Davao City Police Office (DCPO) Director Police Colonel Kirby John Kraft nga anaa sa 26 ka mga SAF (Special Action Force) commandos ug 48 ka mga miyembro sa Regional Mobile Force Battalion ang na-deploy na sa syudad human kini miabot niadtong Sabado (Nobyembre 21, 2020).
Matud ni Kraft nga iyang gi-request ang dugang personahe gikan sa PNP national headquarters aron matabangan ang enforcement sa quarantine protocols dinhi sa Davao.
Samtang, dugang doctors ug nurses gikan sa Armed Forces of the Philippines (AFP) Health Service ang gideploy usab diin pipila kanila gi-assign sa Southern Philippines Medical Center (SPMC) nga nagsibli’ng COVID-19 referral hospital dinhi sa dakbayan.
RadyoMaN Kirby Manzon
