Gikumpirma sa Department of Health (DOH) gahapon, June 4, 2024 nga aduna nay COVID-19 sub variant KP.2 nga lakip sa “FLiRT” variant ang nakasulod sa Pilipinas.
Sa pagpanubay sa DXZL RMN Manila, nagpadala og mensahe sa media si DOH Assistant Secretary Albert Domingo ug nagkanayong aduna nay nakasulod sa nasud nga mga kaso apan ulahi lang nila namatikdan ug natala.
Sa report, ang duha ka kaso sa KP.2, nakasulod niadtong May 2024.
Hugot gihapon ang monitoring sa buhatan dala paigmat sa katawhan nga bisan og wala pa kini namatikdan sa tagsa-tagsa ka komunidad, angayang sundon gihapon ang health protocols sama sa pagsuot og face masks ug proper hygiene.
Samtang, wala pay advisory nga gipagula ang DOH Davao Region kalabot sa maong virus ug nagpadayon ang pag-contact sa DXDC RMN Davao sa buhatan kalabot sa update niini aron mahatod ngadto sa katawhan.
RadyoMaN Ivy Parido
Facebook Comments
