Davao City – Gilauman karon sa Davaoeños ang pagtuki ni Presidente Rodrigo Duterte sa pagresponde sa gobyerno sa COVID-19 pandemic sa mahitabong ika limang State of the Nation Address kun SONA niini karong adlawa, July 27, 2020.
Sumala ni Prof. Adrian Tamayo, Mindanao Development Authority (MinDA) Information Officer, ang COVID-19 matud pa ang gilaumang dakong kalahian sa SONA sa pangulo karong tuiga itandi sa mga milabayng SONA niini.
“Mas makita nato nga ilatag ni presidente karon sa iyang SONA ang unsaon pag-control sa COVID… karon sa akong tan-aw ang unahon sa atong panggamhanan ang paghatag og pagtagad sa atong health,” segun ni Tamayo.
Samtang gihatagan niini og rating nga satisfied ang performance sa pangulo sulod sa upat ka tuig nga pagpanerbisyo diin matud ni Tamayo naaksyonan niini ang unsay angay buhaton aron muangat ang ekonomiya sa Pilipinas, problema sa korapsyon ingon man ang pagbalik sa public trust o pagsalig sa katawhang Pilipino diha sa gobyerno.
RadyoMaN Renz Barbarona
