Davao City – Gibasol sa grupong Kalipunan ng mga Damayang Mahihirap kon KADAMAY Davao Chapter ang America, China ug uban pang gamhanang mga nasud sa kalibutan sa mga nahitabong pandemic ug krisis nga nagpahugno sa ekonomiya sa mga kanasuran ug nagpawagtang sa mga panginabuhian sa milyones ka mga tawo sa tibuok kalibutan karon.
Alang kang KADAMAY Davao Chapter Focal Person Toto Bolcan, ang mabasol ning maong krisis nga natilawan karon sa kalibutan walay lain kon dili ang duruha ka mga global superpowers karon.
Sumala ni Bolcan, ang nagkadaiyang quarantine classification or status mas nagpapit-os og maayo sa ekonomiya diin ang epekto mihampak ngadto sa liboan ka mga kumpaniya ug korporasyon diin milyones ka mga Pinoy nawad-an og trabaho ug nagkalisod sa ilang panginabuhi karon.
Apan daling gitin-aw ni Bolcan nga dili siya supak sa mga control measures sanglit pinaagi sa maong lakang lamang masanta kon mapugngan nato ang dugang pagkaylap sa COVID-19 uban sa panghinaut nga mabalik na sa dili madugay ang normalidad sa sitwasyon sa Pilipinas sa dili madugay.
Padayon ang pag-awhag sa urban poor sector leader nga alang sa tanan ang padayon nga pagsunod nato sa tanang mga guidelines sama sa pagsuot og facemask, pag-obserbar sa physical or social distancing ug ang pag-isolate sa kaugalingon ugaling bation mo og trangkaso aron usab kining crisis hingpit na natong matuldukan.
RadyoMaN Joel Viray
