Ginaakumudar na sang COVID-19 laboratory testing center nga nahamtang sa bahin sang Dr. Arturo Pingoy Medical Center ang mga samples nga halin sa gwa sang probinsya kon indi suno pa madamo ang samples nga halin dire sa South Cotabato, suno kay John Codilla, infectious disease coordinator sang Integrated Provincial Health Office.
Ginpahayag niya man nga libre sa gihapon ang pagpaidalom sa COVID test sang halin sa gwa sang probinsya tungod ang mga logistics ang halin naman sa Department of Health.
Ginkumpirmar man ni Codilla nga sa subong ginalimit lang nila sa 30 ang ginapaidalom sa test base naman sa kapasidad sang machine.
Dugang pa niya nga Lunes, Miyerkules kag Biyernes ang schedule para sa COVID-19 testing tungod ang testing laboratory ang ginagamit man sa TB culture.
photo by: IPHO
