Subay sa datus sa Department of Health (DOH)-XI, sa 111 ka Omicron cases, 96 niini local cases ug 15 niini mga returning Overseas Filipinos. Samtang, sa 96 nga local cases, 65 niini gikan sa syudad sa Davao.
Sa datus usab sa DOH-XI nga sa maong ihap, 84 niini nakarekober na, 74 fully vaccinated ug 25 ang dili bakunado batok COVID-19.
Matud ni Dr. Rachel Joy Pasion, head sa Regional Epidemiology and Surveillance Unit sa DOH-Davao atol sa virtual press conference, nga bisan og walay genome sequencing sa lugar nga maka-identipika sa presensya sa Omicron variant, usa sa mga timailhan nga dunay Omicron sa lugar mao ang taas nga matalang kaso diin kini nga mga pasyente walay bation nga simtomas sa COVID-19 o mild lamang ang ilang sitwasyon.
“Health experts say one of the indications that an area may have Omicron already even without the whole genome sequencing are when there are high breakthrough cases and of these cases are asymptomatic and mild,” sulti ni Pasion.
Padayon ang pahimangno sa health official nga istriktong sundon ang minimum public health standards batok COVID-19 labi na nga paspas nga makatakod ang COVID-19 variant nga Omicron.
RadyoMaN Kirby Manzon
