Iligan City – Nahimong hagit sa usa ka batan-ong negosyante dinhi sa Iligan ang pag-pursige sa pagpadayon sa iyang negosyo bisan paman ug mihapak ang pandemic sa COVID 19.
Matud ni Mr. Gelo, ang tag-iya ug nagdumala sa House of Fries Iligan nga dili lalim ang ilang gi-agi-an nga mga pagsulay sa pagsulod sa pandemic ug sa pagpadayon sa iyang negosyo.
Kini tungod, daghan ang nasakripisyo niadtung tungura ilabi na ang inadlaw-adlaw nga trabaho iyang mga tawo, maintenance ug ang ibayad sa mga bills.
Apan, bisan paman niining tanan pinaagi sa maayong pagdumala ug giya sa kahitas-an padayon nga mibarog ang iyang negosyo hangtud karong panahona nga daw sa hinay-hinay na usab gibalik ang mga negosyo.
Kamatu-oran niini, bisan sa pandemic, nakapundar pa ug walo ka branches ang House of Fries Iligan ingon man pito ka franchise.
Butang kini nga wala damha ni Gelo tungod sa panahon karon gumikan sa covid 19.
Boot ni Gelo nga mamahimo siyang inspirasyon sa uban pang negosyante nga dili mohunong sa pagpangita ug pamaagi aron padayon nga makabarog sa ilang tagsa-tagsa ka mga negosyo.(Ghiner L. Cabanday, RMN-DXIC)
