Davao City – Ipahigayon ugmang adlawa, May 20, 2020 og Coronavirus Disease 2019 (COVID-19) random testing sa Badjao community sa Purok 4-C, Barangay 23-C, Davao City.
Sa interbyu sa DXDC RMN Davao kang Alimodin “Wating” Usman, barangay kapitan sa Barangay 23-C, gibutyag niini nga kini subay sa ilang nasabutan kauban ang mga health workers sa barangay.
“Nag meeting mi sa taga health center, naa mi pagabuhaton nga random test sa ka-badjaoan,” saysay ni Usman.
Gibutyag ni Usman nga himuon ang random testing alas-8 hangtud alas-10 sa buntag diin anaa sa kapin 230 ka households ang ipailawom sa maong testing o gibana-banaang kapin 500 ka indibidwal lakip na ang mga bata.
Kahinumduman nga naggikan ang natalang 15 cases sa COVID-19 niadtong Lunes, Mayo 18, 2020 sa Barangay 23-C ug usa usab kini sa mga barangay nga gikonsiderang ‘very high risk’ tungod sa taas nga ihap sa kasong natala sa lugar.
RadyoMaN Kirby Manzon
