Davao de Oro – Sa unang higayon, miatubang sa mga sakop sa media ang COVID-19 patient # 2, usa ka lalaki, hamtong ang edad, residente sa lungsod sa Mawab, Davao de Oro, human naka-recover gikan sa maong balatian.
Sumala ni COVID-19 patient # 2, nagpasalamat siya sa mga frontliners nga nag-atiman kaniya sulod sa Davao Regional Medical Center (DRMC), Tagum City diin sulod sa pipila ka semana niyang gihambin ang balatian.
Dugang niyang gipasalamatan mao si Davao de Oro Gov. Jayvee Tyron Uy nga maoy niabaga sa mga galastuhon sulod sa balay tambalanan.
Matud sa nakarekober nga pasyente nga dili lalim ang kahadlok ug kabalaka nga iyang gibati apan iyang gidasig ang kaugalingon aron makalingkawas sa maong balatian.
RadyoMaN Jules Catisay
Facebook Comments
