Sumala ni Dr. Michelle Schlosser, tigpamaba sa Davao City COVID-19 Task Force (sa interbyu sa city-owned radio), nga as of January 15, 2023, anaa lamang sa walo ang natala nga bag-ong kaso, ug sa maong adlaw, anaa lamang sa 72 ang active cases o kadtong mga kaso nga padayong gipailawom sa isolation.
Hinuon, matud ni Schlosser, nga sagad sa maong bag-ong kaso asymptomatic o walay simtomas sa COVID-19.
“Nagkagamay nga nagkagamay atong weekly (COVID-19) cases kay nagagamay man pud atong daily cases. Pero what is very notable lang gihapon is naa gihapoy ‘tay death. We have one death and this one death is unvaccinated cases,” butyag ni Schlosser.
Matud sa health official, sa pagkakaron anaa lamang sa 2.15 ang COVID-19 positivity rate sa syudad apan dili gihapon mukumpayansa.
Kinahanglan gihapon nga mahimong responsible sa mga health protocols ug labaw sa tanan magpabakuna aron adunay proteskyon ang kaugalingon.
RadyoMaN Kirby Manzon
