Matud ni Dr. Michelle Schlosser, tigpamaba sa Davao City COVID-19 Task Force (sa interbyu sa city-owned radio), usa ka viral infection ang maong sakit diin sagad kini makuha pinaagi sa physical contact, ug pwede usab pinaagi sa respiratory discharges ilabi na fluid gikan sa lesion sa infected nga indibiwal.
“We do have (cases) pero wala gyud ‘tay massive nga number og cases sa hand, foot and mouth disease. Dili sya alarming but from time to time, we do have those cases but not as many as other areas nga maka-alarm ang atong heath system,” matud ni Schlosser.
Sa National Capital Region (NCR), gatusan na ang nataptan sa sakit gikan Oktubre hangtud Disyembre 2022 diin kadaghanan nag-edad og 11 anyos paubos.
Sagad simtomas sa HFMD mao ang kalintura, painful sores sa baba, rash with blisters sa kamot, tiil ug sampot.
Tambag sa infectious diseases expert nga si Dr. Rontgene Solante ilabi na sa mga ginikanan nga siguradohon nga regular nga manghugas og kamot ang ilang mga anak nga maoy pamaagi nga malikayan ang sakit diin wala pa kini tambal o bakuna sa kasamtangan.
RadyoMaN Kirby Manzon
