Davao City – Ginahan-ay na karon sa City Government of Davao ang sistema sa himuong nationwide minors’ vaccination.
Kini human sa pilot o ceremonial vaccination sa 12-17 anyos with comorbidities kagahapong adlawa (October 29, 2021) nga gipahigayon sa Southern Philippines Medical Center (SPMC).
Sumala ni Dr. Michelle Schlosser, Spokesperson sa Davao City COVID-19 Task Force (sa interbyu sa city-owned radio) sa November 3, 2021 i-rollout na usab ang minors’ vaccination sa Davao Doctor’s Hospital, Metro Davao Medical and Research Center ug Seamens Hospital, ug nagkadaiyang hospital nga mutabang sa pediatric vaccination.
“Today, we did the ceremonial vaccination for SPMC dependents, kadtong mga anak sa frontliners nato sa SPMC nga naay comorbidities, but on November 3, we will roll it out with other children nga with comorbidities sa kadtong mga hospitals nga nag-commit to help us with the rollout,” matud ni Schlosser.
Sa pagkakaron, gina-review na usab ang guidelines sa pagbakuna sa mga minors without comorbidities alang sa hapsay nga pag-rollout niini apan wala pay schedule kung kanus-a kini ipahigayon.
RadyoMaN Kirby Manzon
