Davao City – Magsugod na sa Oktubre 15, 2021 ang pagbakuna batok Coronavirus Disease 2019 (COVID-19) sa mga nag edad og 12-17 anyos.
Matud ni Dr. Michelle Schlosser, Spokesperson sa Davao City COVID-19 Task Force (sa interbyu sa city-owned radio) nga ginapaabot na lamang ang guidelines gikan sa Department of Health (DOH) kung dungan ba kining himuon sa tibuok nasud o magbaton og pilot test sa usa ka lugar.
Wala pa usay pormal nga abiso ang kaulohan kung magbaton og pre-registration alang sa mga target vaccinees ayha sugdan ang vaccination rollout.
“On October 15, we were given a heads up sa national nga maghatag na ‘tag vaccination rollout for 12 years old to 17 years old and general public. As of the moment, di pud ‘mi kabalo kung basin unahon i-pilot test ba ang NCR then going to Cebu and going to Davao, or baka simultaneous,” matud ni Schlosser.
Nasayran nga adunay mga ginikanan nga bakunado na batok COVID-19 ug buot na usab nga mabakunahan ang ilang mga anak aron maproteksyonan ang nahisgutan batok sa balatian.
Hinuon, sa pagkakaron, wala pa gina-cater sa vaccination ang 12-anyos paubos.
RadyoMaN Kirby Manzon
