Davao City – Gipasalamat sa Davao City Coronavirus Disease 2019 (COVID-19) Task Force ang pag-ubos sa kaso sa COVID-19 sa syudad sa Davao.
Gibutyag ni Dr. Michelle Schlosser, tigpamaba sa Davao City COVID-19 Task Force (sa interbyu sa city-owned radio), gikan December 11 – 17, 2022 ana lamang sa 84 ka kaso ang natala, kini mas-ubos sa 190 cases nga natala sa nakalabay nga semana.
Sa kasamtangang active cases, 1 critical, 1 severe ug 4 ang moderate.
Sa pagkakaron, anaa lamang sa 3-4% ang COVID-19 positivity rate sa dakbayan.
“We can really strongly attribute the lowering of cases tungod sa atoang achievement sa atoang vaccination. Bakuna gyud. Makaingon gyud ta,” sulti ni Schlosser.
Una na nga gipasidunggan ug nakadawat pa og cash prize nga P150,000 ang City Government of Davao tungod sa pag-abot sa 100% vaccination rate gikan sa 70% target population.
RadyoMaN Kirby Manzon
Facebook Comments
