Gi-awhag karon sa Department of Labor and Employment (DOLE-XI) ang tanang pribadong kompanya nga motuman sa Department Order No. 209 aron matunolan ug ayuda ang mga empleyado nila kinsa apektado sa COVID-19 pandemic.
Sa interbyu kang DOLE-XI Labor Communications Officer-designate Eduardo Monreal, gibutyag niini nga ang Department Order No. 209 nagtagana sa mekanismo kung unsaon pag-avail sa intervention o asistinsya gikan sa DOLE gani gipahimangnoan niini ang tanang private establishments kansang mga trabahante na-dislokar sa COVID-19 nga mosumitir na og aplikasyon.
Giklaro ni Monreal nga ang gikinahanglan lamang mao ang Establishment Report on COVID-19 diin ang form mamahimong ma-download sa DOLE website ingon man ang Company Payroll alang sa mga bulan una gi-implememtar ang flexible work arrangement or temporary closure.
Sa maong hinabang, makadawat og one-time financial assistance nga P5,000 ang matag apektadong empleyado diin kini lump-sum, non-conditional ug regardless sa employment status.
Dugang ni Monreal nga dili mga empleyado ang mo-proseso niini apan ang ilang tagsa-tagsa ka manangement representatives pinaagi sa HR o Payroll Master sanglit ginapatuman man usab nila ang social distancing protocol gumikan sa COVID-19.
RadyoMaN Jason Amisola
