Davao City – Gipailawom na sa 14 days home quarantine ang usa ka doktora nga taga Brgy. Wilfredo Aquino, Agdao samtang usa ka doktor usab ang padayong ginatambalan sa Southern Philippines Medical Center (SPMC) dinhi sa syudad sa Davao human nagpositibo sa COVID-19.
Sa pakighinabi sa DXDC RMN Davao kang Brgy.Wilfredo Aquino Kapitan Gregorio “Jimmy” Obial, pito na ka indibidwal ang nagpositibo sa COVID-19 apil na ang usa ka pamilya.
Subling gipasidan-an ni Kapitan Obial, ang mga residente sa iyang Barangay nga magsuot sa face mask kung mogawas sa balay ug dili kalimtan ang paghugas sa kamot aron dili mataptan sa virus.
“So ako hangyo sa inyo nga nakabalo naman gyod mo nako kun unsa ko ka-istrikto sa atoang pagpadagan sa Barangay ug sa pagtuman sa balaud, ang ako lang hangyo ninyo nga mao ray inyong matabang sa atoang gobyerno mao ang pagsuot lang gyod og face mask una mulakaw ,” segun ni Obial.
RadyoMaN Don Pulayao
