Giklaro ni Davao City Mayor Sara Duterte-Carpio (sa livestream interview sa iyang Facebook page), dili himuong requirement sa pagsulod sa Roxas Night Market ang vaccination card.
Gipasabot sa alkalde, gawas nga dili mandatory ang pagpabakuna, taas na usab ang vaccination rate sa syudad diin sa March 14, 2022 anaa na kini sa 84%.
“Wala ‘tay restrictions with regard to sa pagbakuna nila (mga tao) because taas man ang atoang vaccination rate and gamay nalang mana sila nga wala pa nabakunahan. Open space pud siya (ang Roxas Night Market),” sulti sa mayor.
Bisan pa man, padayong gipahinumdom ni Duterte-Carpio sa katawhan ang kanunay nga pagsuot sa face mask sulod sa night market gawas lang kung mukaon ug muinom.
“Mag-remind lang ko sa tanan nga the only thing that you need to remember is that you wear your mask if you are not eating or drinking,” pahinumdom sa alkalde.
Target nga ablihan ang Roxas Night Market sa Marso 24, 2022.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
