Davao City – Himuon nang mandatory ang pagpabakuna kontra COVID-19 alang sa mga empleyado sa City Government of Davao sugod sunod tuig, 2022.
Matud ni Davao City Mayor Sara Duterte-Carpio (sa interbyu sa city-owned radio) nga gikatakdang ipagawas ang naasoy nga Executive Order (EO) diin lakip usab niini kadtong job orders and contracts of services, volunteers ug consultants sa lokal nga panggamhanan.
Giklaro ni Mayor Sara nga kung dili pa bakunado sa Enero 1 sunod tuig ang mga empleyado sa LGU-Davao labi kadtong contractual lamang, dili na ma-renew ang ilang kontrata.
Samtang, mag-atubang og kasong ‘insubordination’ kadtong plantilla personnel kung pakyas sila nga musunod sa maong direktiba.
“The City Government of Davao is already planning its Executive Order on making vaccination MANDATORY for all City Government Employees including job orders and Contracts of services by December 31. So on January 1 if they are not vaccinated their contracts will not be renewed,” sulti sa mayor.
Gidugang sa alkalde nga taas na ang higayon nga gihatag sa mga empleyado sa lokal nga gobyerno sa pagpabakuna diin kini nahilakip kini sa A4 sa priority group sa vaccination.
Mamahimong magpa-schedule ang wala pa nabakunahan sa Human Resource Management Office (HRMO) diin aduna usay vaccination site nga gitagana alang sa mga empleyado sa City Government of Davao alang niini.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
