Davao City- Gisugdan na ang pagbakuna sa COVID-19 vaccines sa mga Barangay Emergency Response Team (BHERT), barangay health workers ug functionaries sa dakbayan sa Davao.
Matud ni Dra. Josephine Villafuerte, Davao City’s Covid-19 Vaccination Program head, 3,200 ka mga sakop sa BHERT teams nga gilangkuban sa executive officer, barangay tanod, barangay health workers nga mga first-line respondents sa COVID-19 response ang gisugdan og bakuna.
Gibutyag niini, ang Buhangin Elementary School ang vaccination site sa mga taga-First ug Second District, samtang sa Mintal Elementary School ang mga taga-Third District.
Mokabat sa 93,468 sa 120,000 senior citizens ang nakarehistro nga bakunahan sa Covid-19 vaccine sa syudad sa Davao.
RadyoMan Aimee Guinita
