Davao City – Anaa sa 90% o kapin 4,000 ka mga Southern Philippines Medical Center (SPMC) employees ug mga frontline health workers ang mudawat sa bakuna kontra COVID-19.
Sa interbyu sa RMN Davao kang SPMC OIC Dr. Ricardo Audan, posibleng sa katapusan sa Pebrero o sa Marso ning tuiga ang COVID-19 vaccination.
“Wala mi kabalo kung unsa gyod ang vaccine kay kami dependent lang mi sa DOH which is our mother agency,” matud ni Audan.
Niagi usab og makuti nga pagfill-out og mga detalye ang mga magpabakunang mga frontliners diin kinahanglan ipahibalo nila sa isumiteng form kung aduna silay mga allergies sa vaccine, pagkaon ug uban pa.
Gikanayon ni Audan, gipangandaman usab nila ang pag-schedule sa mga bakunahan ug mga himuon inig aduna may mga side effects ang mga mabakunahan.
“Kay 5,000 plus mi siguro dapat in one day naa miy 1,000 ma-vaccinate kay duha man gud ka dose after 27 days dapat mahatag na ang second dose,” segun niini.
Wala usab nabalaka ang SPMC tungod aduna silay negative 20 ug negative 18 degrees celsius nga storage para sa COVID-19 vaccines.
RadyoMaN Aimee Guinita
