Davao City – Walay pagbag-o sa estratehiya sa Davao City Coronavirus Disease 2019 (COVID-19) Task Force batok sa bag-ong COVID-19 variant sama sa BF.7 Omicron subvariant nga nakasulod na sa nasud.
Sumala ni Dr. Michelle Schlosser, tigpamaba sa Davao City COVID-19 Task Force (sa interbyu sa city-owned radio), nagpabiling ginapatuman ang PDITR o ang Prevention, Detection, Isolation, Treatment, and Reintegration strategies alang sa mga COVID-19 cases.
Gawas niini, pinaka epektibong pangontra batok sa mas makatakod nga variant mao ang pagpabakuna batok COVID-19 ug ang paghimong responsable sa kaugalingon pinaagi sa pagpatuman sa health protocols bisan pa man sa luag nga restrictions.
“From time to time, naa gyud nay mag-mutate nga virus. Naa gyud nay musulod nga bag-ong klase na virus. At the end of the day, we still address it according to unsa atong naandan – the same health protocols,” sulti sa health official.
RadyoMaN Kirby Manzon
Facebook Comments
