Davao City – Giabisuhan sa lokal nga panggamhanan sa Davao ang publiko nga gidili ang pagsuroy o pag-adto sa mga lugar nga gikonsiderang very high risk ug high risk areas gawas na lang kung byahe kini alang sa trabaho, negosyo, ug emergency.
Sa gipagulang barangay classifications alang sa July 18 kutob July 24, very high risk areas ang Barangay 23-C, Agdao Proper ug Leon Garcia.
Samtang, high risk areas ang 20-B, 28-C, Baliok, Bucana, Buhangin Proper,Daliao, Maa, Mandug, Matina Crossing, Mintal, Sasa ug Tacunan samtang high risk areas (in close proximity to Very High Risk Barangays) ang 15-B, 26-C ug Tomas Monteverde.
Dugang niini mamahimong moadto sa mga lugar nga giklasipikang moderate risk barangay apan gikinahanglan ang hugot nga pag-amping.
Gibutyag ni City Health Office chief Dra JosephineVillafuerte nga padayon pa sa pagkakaron ang diskusyon kung ipailawom sad sa hard lock down ang usa ka barangay sa Agdao District nunot sa daghang natalang kaso sa COVID-19.
“Ang Agdao na area candidate pud pero wala pa man kay dili biya gyud lisod kaistorya ang taga-Agdao. So far kasi tong dati nato, okay okay na pero naa naman puy bag-ong lugar nga ginamonitor pero kung magpadayon to mao na pud siguro,” segun ni Villafuerte.
Kauban usab sa health sectors ang security sectors sa pagdesisyon diha sa pagwagtang o paglugway sa hard lockdown sa Barangay 23-C.
Gani ipagula pa usab ang resulta sa gihimong swab test sa mga residente sa maong barangay.
RadyoMaN Aimee Guinita
