Davao City – Gina-review na karon sa HRMO (Human Resource Management Office) sa City Government of Davao ang profile sa mga City hall employees nga nadakpa’ng nag-party ug nag-inom sa Motorpool, Maa, Davao City niadto’ng Disyembre 22, 2020.
Matud ni Davao City Mayor Sara Duterte-Carpio nga gimandoan na niini ang HRMO nga kung ugaling job order, contract of service ang nahisgutang empleyado, gilayon kini’ng tanggalon sa trabaho.
Samtang, kung sila anaa sa plantilla position o permanent employee, gilayon usab nga ipasaka ang complaint sa HRMO batok kanila.
“Well, hopefully nakakulong pa sila hangtud karon but kung na-inquest na sila, most likely naka-bail na ni sila. Ang atoang HRMO (Human Resource Management Office) nag-review sa ilang status kung unsa ilang employment, engagement sa City Government of Davao,” tataw ni Mayor Sara.
Kahinumduman nga gi-report ang nahisgutan human kini nag-party ug nag inom sa maong lugar luyo sa gipatumang 24-hour liquor ban sa dakbayan ug nakalapas usab sila sa social distancing luyo sa kampanya sa gobyerno batok sa Coronavirus Disease 2019 (COVID-19).
RadyoMaN Kirby Manzon
