Davao City – Dili gayud malikayan karong panahona nga makasinati kita og mental health problem or dilemma bunga sa depresyon hatod sa COVID-19 ilabi na nga hangtod karon, wala pay bakunang nadiskubrehan batok niini.
Sumala ni Dr.Gene Gulanes, City Health Office (CHO) Assistant Head for Administration, kung dili kahibalo mo-handle sa depression ang usa ka tawo, malagmit mosangpot gayud kini sa suicide kun paghunos sa kinabuhi.
Matud ni Gulanes, usa sa angay hinumdoman ug himoon mao ang pagsunod sa tanang mga health protocols aron malikayan ang maong balatian.
Gipasabot usab ni Gulanes nga kinahanglang dili mawad-an ug paglaum sa higayong mataptan sa maong virus tungod kay dili tanan namatay gani ubayubay man usab ang naka-recover na dinhi sa nasud ug bisan na sa entero kalibutan.
RadyoMaN Bernard Pantallon
