Davao City – Mamahimo na nga makapabakuna batok Coronavirus Disease (COVID-19) ang mga 12-17 anyos bisan og kadtong walay balatian.
Gianunsyo ni Dr. Michelle Schlosser, Spokesperson sa Davao City COVID-19 Task Force (sa interbyu sa city-owned radio) nga mamahimo na nga ma-cater bisan kadtong walay comorbidities sa mga vaccination hubs nga gidumala sa City Health Office (CHO).
“For the public to know, nagapadayon na ‘ta sa atoang pediatric vaccination for those with comorbidities and with no comorbidities nga mga bata sa atoang CHO-managed na mga pediatric vaccination hubs. We have Gaisano Mall, Calinan Central Elementary School (ES), F. Dizon ES, Mabini ES. Kadto sila, ongoing sila since November 8,” matud ni Schlosser.
Dugang ni Schlosser nga nagadawat na usab og walk-in sa pediatric vaccination diin dal-on lamang ang birth certificate, school ID, ug consent sa ginikanan/guardian nga ilang kuyog panahon sa pagpabakuna.
Giklaro sa health official nga nagpadayon gihapon ang serbisyo sa existing vaccination sites sa dakbayan alang sa pagbakuna sa ubang sector ug sa general public.
RadyoMaN Kirby Manzon
