Davao City – Makamugna og kabalaka ang kahimtang karon nga anaa sa danger zone ang bed capacity alang sa COVID nga mga pasyente sa pinakadako nga ospital sa entero Mindanao nga mao ang Southern Philippines Medical Center (SPMC).
Segun ni Barangay Talomo Kapitan Bendor Calamba nga mabalaka gayod ang katawhan sa sitwasyon karon sa SPMC tungod sa pagsaka sa kaso sa COVID-19.
Segun ni Calamba nga kon mibati og kabalaka ang katawhan labaw na silang mga kapitan gumikan sa ilaha muderetso ang ilang mga residente aron mangayo og tabang panahon nga dunay mga pasyente nga kinahanglan dal-un sa ospital.
Giihimplo ni Calamba ang 70% sa iyang mga residente nga naa sa below average ug sagad kanila nagsalig sa ayuda sa gobyerno busa dakong tabang ang SPMC alang sa mga pobre nga masakit.
Busa gi-aghat sa Kapitan ang Inter-Agency Task Force nga karon pa lang daan pangitaan na og hinanali nga solusyon ang bed capacity problem aron matubag dayon ang problema.
Sa ingon dili maapektohan ang serbisyong medikal kon pagpangalagad sa SPMC pinaagi sa pagsiguro sa pag-akomodar og daghang masakiton apil na ang mga maigo sa pandemic virus ang SPMC.
RadyoMaN Joel Viray
