Davao City – Duha ka mga dokumentos sa Department of Health nga mao ang National Strategic policy framework for COVID-19 vaccine deployment and immunization ug Philippine National Deployment vaccination plan for COVID-19 vaccines ang sundon sa lokal nga panggamhanan sa Davao sa pagpatigayon sa COVID-19 vaccination.
Sumala ni Councilor Mary Joselle Villafuerte, Committee on Health chair, 19th City Council, kini aron dili magkaguliyang sa implementasyon sa mga bakuna inkaso’g muarangkada na kini dinhi sa dakbayan.
Gibutyag ni Villafuerte anaa sa 12-14 ka grupo ang nakalinyada nga unahon sa pagpabakuna sa COVID-19 vaccine nga mga frontline health workers, senior citizens ug dili mga pulitiko.
“Dili mauna ang pulitiko, mauna ang mga high risks. Kinsa maning pinaka-high-risk nga magka-COVID ug mamatay sa COVID. It has been determined sa mga studies ug mga panghitabo during the past year that there are identified groups na dali lang magka-COVID. Ang top 2 groups are the frontline health workers and the senior citizens,” segun ni Villafuerte.
Sumala niini, anaa pa lang sa emergency use ang mga nahimong mga bakuna tungod sa pandemic ug wala pa ni usa niini ang naaprubahan alang sa commercial use.
Niapelar si Villafuerte sa publiko nga didto mututok sa mga reliable nga mga ahensya sama sa World Health Organization ug Department of Health may kalabutan sa COVID-19 vaccination program ug dili sa gaeksenang mga pulitiko nga gapaalingog-ngog lang sa ilahang mga pangalan gamit ang bakuna.
RadyoMaN Aimee Guinita
