Davao City – Gibutyag ni Barangay Captain Allan Simo-ag nga wala molurang ug gani mas gipakusgan pa ang ilang preparasyon aron ang coronavirus disease 2019 dili mukuyanap kun makasulod sa ilang barangay.
Matud ni Simo-ag nga wala sila muhunong sa pagpangita og istratehiya aron ang COVID-19 dili makasulod sa ilang lugar isip tabang sa pakigbatok sa nasudnong gobyerno sa mao nga balatian.
Segun ni Simo-ag nga iya nang gi-reorganize ang barangay health emergency response team aron monitoron ang mga residenteng gikunsiderang Persons under Investigation kun monitoring.
Gisunod sa Barangay Health Emergency Response Team ang protocol sa City Health Office sa pagpanga-lap og datos gikan sa gibahing dagkong mga purok sa nasambit nga barangay.
Miingon si Simo-ag nga nagmuntar usab sila og checkpoint kini aron magpabiling covid-19-free ang ilang barangay samtang ang mga barangay functionaries maoy nagpasabot sa kahimtang karon.
Kabahin sa prayoridad sa emergency plan mao ang pagmuntar og quarantine area ug pag-andam og pag-kaon alang sa mga residente nga maapektohan sa Coronavirus Disease 2019.
Gidid-an na usab sa naasoy nga barangay opisyal ang iyang katawhan nga mugawas sa ilang balay ugali walay mahinungdanon tuyo kundi ang tumong lang ang pagsuroy-suroy.
Tugotan lang ang usa ka residente nga makagawas sa balay kung ang adtoan palengke, ospital, ug phar-macy ug mga botika aron makapalit sa ilang panginahanglanon nga pagkaon ug medical supplies.
Gipasabot ni Simo-ag nga ang tanan nilang gihimong lakang nahisubay sa guidelines sa lockdown nga gipagula ni Mayor Inday Sara Duterte-Carpio sa miaging mga adlaw.
RadyoMaN Joel Viray
