Inihayag ngayon ng OCTA Research na muli na namang tumaas ang weekly COVID-19 positivity rate sa Metro Manila.
Sa datos mula sa independent monitoring group na OCTA Research, umakyat pa sa 12.3% ang COVID-19 weekly positivity rate sa National Capital Region (NCR) nitong April 25.
Ayon kay OCTA Research fellow Dr. Guido David, mas mataas ito kumpara sa naitalang 8.1% noong nakalipas na linggo.
Nangangahulugan itong bahagyang tumaas ang bilang ng mga tao na nagpositibo sa COVID-19 mula sa bilang ng mga na-test sa rehiyon.
Paliwanag ni David, tumaas din sa 12.9% ang nationwide positivity rate.
Inaasahan namang nitong nasa 800 hanggang 1,000 na bagong COVID cases ang maitatala sa bansa ngayong araw.
Facebook Comments
