Davao City – Gidili ang pagpasulod sa mga COVID-19 positive sa prisohan ug mga rehabilitation centers dinhi sa Davao City, subay sa Executive Order No. 37 series of 2020 ni Davao City Mayor Inday Sara Duterte.
Subay sa maong mando, gikinahanglang ipailawom sa mandatory test sa coronavirus ang mga piniriso kun Persons Deprived of Liberty (PDLs) ug Children in Conflict with Law (CICL) una pa man sila makasulod sa Bureau of Jail Management and Penology (BJMP) ug mga City Government-run Rehabilitation Centers sama sa Davao City Treatment and Rehabilitation (DCTRCDD), Bahay Pag-asa, Regional Rehabilitation Center for Youth (RRCY), Balay Sidlakan ug Group Home for Girls.
Subay niini, gikinahanglan nga adunay certification nga nagpamatuod nga COVID-free ang maong mga PDLs or CICLs gikan mismo sa Department of Health (DOH) o City Health Office (CHO).
Sa pikas bahin, gibutyag ni Davao City Police Office (DCPO) City Director Police Col. Kirby John Kraft nga ginapa-ilawom gayud sa RDT test ang tanang mga PDLs.
“Nagbigay si Ma’am (Mayor Sara Duterte-Carpio) ng mga RDT testing kits sa mga stations natin para (sa) lahat ng mga mahuhuli nila na tao, tapos nagpa-training pa siya ng mga pulis natin na graduate ng (nursing) at saka other medical courses, kaya meron tayong mga trained na pulis na nag-co-conduct ng RDT…So, pag may nahuhuli, automatic iyon bago ipasok sa main cell, ia-RDT muna siya,” matud ni Kraft.
Gibutyag ni Kraft nga usa ka PDL ang nagpositibo sa COVID-19 gikan sa Buhangin Police Station.
Human sa tulo ka adlaw nga pagka-admit sa SPMC , nagnegatibo na kini ug gibalik na sa iyang selda.
RadyoMaN Aimee Guinita
