Matud ni Dr. Michelle Schlosser, Spokesperson sa Davao City COVID-19 TF (sa interbyu sa city-owned radio), tungod kay miubos na ang positivity rate sa COVID-19 sa syudad, naglaum kining mapaluagan pa ang COVID-19 Alert Level diin kini dako og tabang ilabina gyud sa ekonomiya sa lokalidad.
Gikanayon ni Schlosser nga dako’g tyansa nga mapaluagan pa ang COVID-19 Alert Level apan nagkinahanglan kini og kooperasyon ug disiplina sa Davaoeños.
“We are aiming for that (COVID-19 Alert Level 1) since persistently naa na ‘ta sa acceptable positivity rate. We are all aiming for that. Gusto nato na siya because it’s healthy for our economy and health for the people sa pagpamuyo nato,” sulti ni Schlosser.
Dugang sa health official, ugaling mabutang man ang dakbayan sa Alert Level 1, kinahanglan gihapong istriktong sundon ang minimum public health standards batok COVID-19 tungod kay wala nay limit sa tawo ang tugotan diha sa social gatherings.
RadyoMaN Kirby Manzon
