Davao City – Dili manghunaw ang gobyerno ugaling adunay dili maayong mahitabo tungod sa bakuna batok Coronavirus Disease 2019 (COVID-19), sukwahi sa pagpanghadlok sa ubang grupo nga walay tulubagon ang gobyerno kung unsa ang mahitabo sa tawo human mabakunahan.
Gibutyag ni Dr. Michelle Schlosser, Spokesperson sa Davao City COVID-19 Task Force (sa interbyu sa city-owned radio), adunay grupo nga naga-monitor sa adverse event following immunization (AEFI) human mabakunahan ang usa ka tawo.
“Pag naay mamatay due to bakuna, imbestigahan na siya ug naay tulubagon ang gobyerno ug naay tulubagon ang vaccinator themselves,” tataw ni Schlosser.
Giklaro sa health official nga dinhi sa dakbayan, hangtud ning pagsuwat/pagsibya, wala pay natalang namatay tungod sa COVID-19 vaccine, gawas lang sa mga posibleng side effects nga lauman human mabakunahan nga dili ra usab magdugay.
RadyoMaN Kirby Manzon
Facebook Comments
