COVID TF nag-warning sa pagpahigayon og christmas parties

Davao City – Luyo sa luag nga restrictions batok Coronavirus Disease 2019 (COVID-19), nagpahimangno ang Davao City COVID-19 Task Force sa publiko nga padayong sundon ang health protocols ilabi na sa mga panagtapok kun gatherings karong holiday season.

Sumala ni Dr. Michelle Schlosser, tigpamaba sa Davao City COVID-19 Task Force (sa interbyu sa city-owned radio), daghan og mga pamaagi nga ma-enjoy gihapon ang panagtapok basta maseguro lamang nga dili kini risgo sa COVID-19 transmission o sa uban pang sakit ang mga aktibidad.

“Kung mag-party man ‘ta (dapat sa) open spaces. Kung mag-party man ‘ta, ang mga games nato it shouldn’t be super physical. We can still do that. Daghan kaayo’g ways to enjoy the party, to enjoy the yuletide season na protektado gihapon ‘ta,” saysay ni Schlosser.

Matud ni Schlosser, importante ang pagpabakuna batok COVID-19 alang sa luwas nga pagsaulog sa holiday season.

Dugang sa health official, available ang COVID-19 vaccines sa mga Barangay o sa District Health Offices aron dali lamang nga ma-access sa publiko.

RadyoMaN Kirby Manzon