Gideklarang persona non grata ang CPP-NPA sa dose (12) ka mga apektadong Barangay nga sakop sa lungsod sa Midsalip, Tigbao, San Miguel, Lapuyan ug Guipos ning probinsya sa Zamboanga del Sur.
Ang naasoy’ng deklarasyon ang gipadayag atol sa gipahigayong Area Clearing Evaluation (ACE) didto sa Headquarters 53IB, Guipos kaniadtong biyernes ngadto sa 12 ka mga Barangay.
Mahinumdumang human sa National and Local Midterm Election kaniadtong Mayo 2019, usa ka grupo alang sa Retooled Community Support Program ang gibutang sa 53 IB sa nasangpit nga 12 ka mga Barangay. Lakip niini mao ang barangay Piwan ug Balonai sa lungsod sa Midsalip, Barangay Ocapan, Dumalian ug Concepcion sa lungsod sa San Miguel, Barangay Tiguha, San Jose ug Mandeg sa lungsod sa Lapuyan, Barangay New Tuburan, Timolan ug Guinlin sa lungsod sa Tigbao; ug Barangay Dalapan sa lungsod sa Guipos, ning probinsya.
Ang grupong Retooled Community Support Program ang gisangunan sa pag-ila ug pagbungkag sa organisadong supporters sa CPP-NPAs sa mga barangays. Lakip usab sa gisangon kanila mao ang pag-ila sa mga problemang mugna sa NPA sama sa pagpangdani ug paghanyag niini ngadto sa mga inosenteng sibilyan.
Sigon ni 53IB Commanding Officer Lt. Col. Marlowe Patria, pinaagi sa RCSP mausa ang tanang mga programa alang sa paglambo.
