![CPP-NPA-NDF-](https://i0.wp.com/rmn.ph/wp-content/uploads/2017/11/CPP-NPA-NDF-.jpg?resize=696%2C464&ssl=1)
Davao City – Nagsugod na og lunsad og pagpangikil sa mga establiseminto sa dakbayan ang CPP-NPA-NDF usa ka adlaw una ang deklerasyon ni Presidente Rodrigo Duterte nga terorista ang mga kumunista.
Kini human usa ka Alyas Mermar ug bookkeeper sa Sta. Ana Multipurpose Cooperative Panacan branch nagpatala sa Sasa PNP nga sila gipangilkilan ni Kumander Jinggoy Cañete sa Pulang Bagani Command.
Sa testimonya ni Mermar nga pasado alas 10:00 sa buntag usa ka tawag ang iyang nadawat gikan sa lalake ug nagpaila nga siya si Kumander Jinggoy Cañete ug gipangayo ang cellphone number sa manager.
Segun ni Mermar nga buot matud pa ma-istorya ni Kumander Jinggoy ang tagdumala sa Samulco apan nagdumili kini sa paghatag sa numero sanglit niadtong tungora ang manager.
Dugang tug-an ni Mermar nga human sa pila ka oras subli nanawag si Kumander Jinggoy apan wala kini tubaga sa bookkeeper ang tawag pasado ala 1:30 sa kahapunon sa sama nga adlaw.
Nasayran ni Mermar nga lakip ang ilang branch sa Matina gitawagan ni Kumander Jinggoy kung asa nati-gayon ang extortion apan dili pa masuta kung pila ang gipangilkil.
Hangtud ning pagbalita, padayon pa ginasubay sa Sasa PNP ang mao nga insidente
RadyoMaN Joel Viray