Davao City – Nagdahum ang hut-ong sa mga peace advocators nga matuldukan na sa hingpit ang giyera tali militar og teroristang CPP-NPA-NDF pag-abot sa panahon.
Sumala ni Peace Advocate convenor Candido Aparece Jr. nga ma-angkon lang ang kalinaw kung ang CPP-NPA-NDF tagdon ang panawagan nga sinseridad sa hinabing pangkalinaw uban sa gobyerno.
Segun ni Aparece, pangandoy sa mga peace advocates nga mahuman na ang upat ka dekada nga insurhensiya ug mahitabo lang kini kun dunay sinsiridad sa peace talk ang mga komunista.
Pareho gi-aghat ni Aparece ang gobyerno ug teroristang CPP-NPA-NDF nga seryosohon na ang peace talk aron magtunhay ang kalinaw sa Mindanao dala sa giyera sa duha ka puwersa.
Giingon ni Aparece, mupasamot sa kumplikasyon sa relasyon tali GRP ug CPP-NPA-NDF ang subling pagpadakop sa mga consultant sa NDF ug mga lideres sa militante subay sa mando ni Pangulong Duterte.
Dugang pa sa peace advocator, ang pag-walked sa mga estudyante sama sa University of the Philippines kabahin sa demokrasya ug kagawasan busa takos nga hatagan og pagtamod ang mga magtutungha nga malinawon maglihok protesta batok sa gobyerno.
Ang gitanyag ni Pangulong Duterte nga pabalay ug trabaho ug dugang kalamboan alang sa mga lumad maayo nga programa sa pagpapas sa walay pulos nga insurhinsiya sa teroristang CPP-NPA-NDF.
RadyoMaN Joel Viray
