Roxas City, Capiz – Indi sang hilimuon sang isa ka matuod nga pulis ang ginhimu sang PNP member nga si Senior Master Sargeant Jonel Nuezca nga pagluthang-patay sa mag-iloy nga Sonya kag Frank Anthony Gregorio sa Paniqui, Tarlac.
Suno kay CPPO Provincial Director Col Julio Gustilo Jr, ang nasambitan nga akto ang wala nakabase sa doktrina sang pulisya.
Kadungan sini, ginpahanumdom ni Gustilo sa kaangay sini nga pulis nga sa anuman nga sitwasyon dapat nga ipabilin ang ginatawag nga ‘maximum tolerance’ kag pagpasensya sa kasubong nga mga sitwasyon.
Mahibaluan nga base sa inisyal nga imbestigasyon sang kapulisan, nag-umpisa ang away sang magreklamo ang pulis bangud sa magahod nga tunog sang boga.
Sang makig-away ang anak sang pulis sa mga biktima, posible nga na-impito si Nuezca kag diri niya gintutokan sang pusil sa ulo ang mag-iloy antes ginluthang.
Yara na subong sa kostudiya sang kapulisan si Nuezca kag Magapangatubang ini sang kaso nga double murder.
