Davao City- Walay nakumpiskang mga pyrotechnics ug uban pang mga gidili nga mga kargamento sama sa mga pabuto dinhi sa dakbayan sa Davao.
Segun ni Task Force Davao (TFD) commander Col. Nolasco Mempin nga unom ka adlaw una magpasko, nagpabiling hugot ang pagpatuman sa kasundaluhan sa ordinansa sa dakbayan nga pagdili ang sa mga pabuto sa syudad.
Sumala ni Mempin nga wala silay nasinatiang problema sa katawhan sa mga nagkadaiyang checkpoints sa syudad tungod kay mukooperar gayod ang tanan ug nituman kini sa mga balaod sa dakbayan sa Davao.
Nagpabilin usab nga malinawon ang syudad apan taas gihapon ang alerto sa militar aron mamentenar ang hapsay nga pagsaulog sa mga Davaoenos sa adlaw sa kapaskuhan.
RadyoMan Aimee Guinita
Facebook Comments
