Back-to-back champion ang Creamline Cool Smashers sa All-Filipino Conference ng Premier Volleyball League (PVL).
Ito ay makaraang ilampaso ng Cool Smashers ang Choco Mucho Flying Titans sa Game 2 pa lamang ng kanilang finals series.
Itinanghal na MVP si Jema Galanza na umiskor ng 20 points.
Siya rin ang nakasungkit ng tropeo bilang “Best Outside Spiker.”
Nakaambag din sa panalo ng team sina Bernadette Pons na may 17 markers; Tots Carlos na may 16 points at Pangs Panaga na may 13 points.
Ito na ang ika-walong PVL title ng Creamline.
Samantala, itinanghal naman bilang “Best Setter” si Kyle Angela Negrito ng Creamline; “Best Outside Spiker” din si Cherry Ann Rondina ng Choco Mucho; “Best Middle Blockers” sina Maddie Madayag ng Choco Mucho at Pangs Panaga ng Creamline; “Best Opposite Spiker” si Aiza Pontillas ng Petro Gazz Angels; at “Best Libero” si Tonnie Rose Ponce.
Habang itinanghal bilang “MVP of the conference” is Brooke Makena Van Sickle ng Petro Gazz.
