Credible, clean elections dakung hagit

Davao City – Ang dunot nga sistema sa pulitika ug dili makatarunganon nga hustisya maoy ugat-hinungdan sa pila na ka dekada nga bayolenteng piniliay sa tibuok nasud sa Pilipinas.

Sumala ni kanhi COMELEC Commissioner Gus Lagman, daku og masapi ang mga pulitiko nga makalingkod sa gahum busa ang mga kandidato andam mupatay aron lang mudaog sa piliniay.

Gani dili lamang mga pulitiko ug mga kandidato ang mabiktima sa matag eleksyon apan lakip na ang mga supporters sa managlahi nga kampo ug partido maingon man mga inosenteng botante.


Dugang ni Lagman, ingon niini ka ngilgig ang bugnong lugaynon sa nag-inusarang nasud sa Asya gumikan sa mga politiko nga nanghingapin ang kahakug sa kwarta ug sa gahum.

Dugang ni Lagman, daghan usab mga kandidato bahala’g mugasto og minilyon sa kampanya basta ang kadaugan maangkon lang nila sanglit dali ra kanila ang pagbawi sa gasto kung naa na sa katungdanan.

Usa pa ang ka-inutil sa COMELEC sa pagsilot sa mga pulitiko nga dayag kaayo ang pagkumiter og bayolasyon mao nang hangtud karon wala’y ni usa sa mga mikandidato ang napreso,dugang ni Lagman.

Gikabalaka usab sa kanhi commissioner ang pagpamatay sa mga pulitiko sa nasud diin katapusang gibugha mao si AKO Bicol Representative Rodel Batocabe diin ang gipasanginlan nga anaa sa likod mao ang mayor sa Daraga Albay nga mamahimong kaatbang niini sa eleksyon.

Hangtud dili matarong ang justice system ug hangtud adunay makawat ang mga traditional politicians, dili makalingkawas ang nasud gikan sa bayolente nga eleksyon.

Busa tambag ni Lagman sa mga botante nga dili masilaw sa salapi ug dili botaran ang mga pulitiko nga nahilambigit sa anomaliya ug nagpasiugda sa kriminalidad panahon sa piniliay.

RadyoMaN Joel Viray

Facebook Comments