Davao City- Misaad ang Davao City Police Office kun DCPO nga pakusgan ug magpadayon ang ilang pagkugi alang sa seguridad sa katawhan diin tumong nila nga mahimong crime-free ang dakbayan sa Dabaw.
Subay kini sa report gikan sa DCPO diin base sa datos nga ilang natala, mikunhod ang crime rate sa syudad sa Dabaw gikan 7,653 ka mga kaso sa bulang Enero kutob Agosto sa tuig 2016, miubos kini ngadto na sa 5,634 kun pag-ubos og 36% sa mga insidente sa nasangpit nga mga bulan karong tuiga.
Sumala sa DCPO, usa sa mga hinungdan nga mikunhod ang ihap sa krimen mao ang implementasyon sa Oplan Iron City diin daghang kapulisan ang nakapalibot ug nagbantay sa nagkadaiyang bahin dinhi sa syudad ug tungod sab sa nagkalain-laing police operations nga ginapahigayon kauban ang police auxiliaries ug uban pang security forces.
Nagpasalamat ang DCPO ngadto sa lokal nga gobyerno ug sa publiko sa suporta nga gihatag ngadto kanila.
Kasamang Renz Barbarona
