Sa interview sa DXDC RMN Davao kang Police Captain Hazel Tuazon, ang spokesperson sa DCPO, iyang gibutyag nga gipadaplin na nila ang anggulong kawat tungod matud pa walay bisan isang gamit sa mga biktima ang nawala.
“Ang isa kay crime of passion and then personal grudge. Gisantabi nato ang robbery kay wala may nawala sa gamit sa biktima. Mao na ang isa karon ka [challenge] sa kapulisan karon kay walay CCTV kay kung naa lay CCTV kay dako kaayo ng tabang sa investigation,” matud ni Tuazon.
Gipailawom na sa eksaminasyon ang tanang fingerprints ug footprints nga nakuha sa crime scene ug nakuha na sab sa kapulisan ang pamahayag sa usa sa mga person of interest.
Giangkon ni Tuazon nga nalisdan sila karon sa pagsulbad niini gumikan walay CCTV camera ang condo ug naningkamot na lang nga hinabion ang ubang mga tawo nga anaa sa lugar niadtong adlawa.
RadyoMaN Ivy Parido
