Criminal gang member, dakpan sa Sto. Tomas

Davao City – Gibutyag sa kapulisan sa Sto. Tomas, Davao del Norte nga naga-operate dili lang sa Davao del Norte kundili lakip na usab sa silingang probinsya ang Baguio Criminal gang, diin dakpan ang laing miyembro niini sa Barangay Tibal-og, Santo Tomas, Davao del Norte niadtong Agosto 7, 2023.

Sa intebyu sa DXDC RMN Davao kang Police Major Jay Nocidal, Acting Chief of Police sa Sto. Tomas Municipal Police Station, ang nadakpan nga si alyas Ikong, 27 anyos, gikonsidera usab nga Top 4 sa Regional Priority Top 10 List.

Matud ni Nocidal, ang grupo aduna nay kanhi record tungod sa iligal nga droga ug pagpang-holdup.

“Actually, wala na ‘mi balita sa ilang leader kay nakulong man na sa DaPeCol dati. Wala na koy update kung nakalaya na ba. Pero ubay-ubay na sa ilang mga kauban ang nadakpan,” sulti sa police official.

Nakuha usab sa dinakpan ang usa ka sachet sa gituohang shabu ug usa ka .38 revolver.

Kasong paglapas sa Republic Act (RA) 9165 (Comprehensive Dangerous Drugs Act Of 2002) ug RA 10591 (Comprehensive Firearms and Ammunition Regulation Act).

RadyoMaN Kirby Manzon