Ta esta pa siempre largao el criminal quien ya rega de bala con un intelligence operative del Civil Aviation Authority of the Philippines (CAAP) na Bat Compound, Sta. Maria amediante taqui na ciudad el president del paiz del sabado denoche.
Asegun con el gefe del Sta. Maria Police Station si Supt. Mark Azur, el criminal nombrao como si Ahmad Nasser Hawari, 35, del mismo siempre lugar quien ya escapa despues de mata con Jeric R. Flores, 35, del mencionao lugar.
Na report del pulis ta aparese serca man alas 7 del noche cuando si Flores Nuevo pa lang ya llega na diila residencia muntao na Honda Bravo motorsiclo donde derepente ya lang ya abuya si Hawari y ya tira conele sinco beses.
Si Flores ya sostene sinco tupada de bala que amo ya causa su muerte.
Si Hawari ya escapa antede llega maga pulis na lugar del incidente.
Si Azury a habla possible tiene que hace na trbajo di Flores el motibo del su matansa.
Maga pulis ta continua pa hace embuscada con Hawari hasta este maga tiempo.
