TACLOBAN CITY – Naghikog gamit an sintas han sapatos an usa nga criminology graduate ha boarding house hini ha Naval, Biliran.
Subay han report tikang ha Biliran Island facebook page, rumesponde an mga kapulisan ngan ginkilala an biktima nga hi Carlito Lumapac Ramoso, aada na ha sakto nga pangidaron, single, ngan residente ha San Isidro, Leyte.
Usa nga batallion commander han Army ROTC hi Ramoso kun diin nag eskwela ha Biliran Province State University (BiPSU)
Nagradwar pala an biktima dida han bulan han Abril.
Nakit-an an patay nga lawas ni Ramoso kakulop, May 17 alas 8:30 han aga ha kwarto han boarding house nga ginrentahan hini nga gintatag-iyahan ni Eden Gerpo Franzen ha Calumpang, Naval, Biliran.
Nagtxt pa daw hi Ramoso ha mga kansangkayan hini nga magpapakamatay hiya, sumala han source han Biliran Island.
